سانحہ9 مئی: بانی پی ٹی آئی کی 8 مقدمات میںضمانت کی درخواستیں مسترد

لاہور: سانحہ 9 مئی کے 8 مقدمات میں بانی پی ٹی آئی کی ضمانت کی درخواستیں مسترد کر دیں گئیں۔

تفصیلات کے مطابق بانی پی ٹی آئی کی ضمانت کی درخواستوں پر لاہور ہائیکورٹ نے محفوظ فیصلہ سنادیا۔

بانی پی ٹی آئی کی ضمانت کی درخواستوں پر سماعت لاہور ہائیکورٹ کے جج جسٹس شہباز علی رضوی پر مشتمل دو رکنی بینچ نے کی۔

عدالت نے گزشتہ روز محفوظ کیا گیا فیصلہ سناتے ہوئے بانی پی ٹی آئی کی درخواستوں کو خارج کرنے کاحکم د ے دیا۔

یاد رہے کہ بانی پی ٹی آئی پر 9 مئی کے پُرتشدد واقعات کے سلسلے میں مختلف مقدمات درج ہیں جن میں جلاؤ گھیراؤ، املاک کو نقصان پہنچانے اور ریاستی اداروں پر حملوں کے الزامات شامل ہیں۔