جنوبی وزیرستان: ایف سی اور مسلح افراد کے درمیان فائرنگ، 2 خواتین جاں بحق

جنوبی وزیرستان:صوبہ خیبر پختونخوا کے علاقے جنوبی وزیرستان میں ایف سی اور مسلح افراد کے درمیان ہونے والی فائرنگ کی زد میں عام شہری بھی آگئے۔ 

ڈپٹی کمشنر ناصرخان کے مطابق جنوبی وزیرستان لوئر کے علاقے منڈی کول میں ایف سی اور مسلح افراد کے درمیان فائرنگ کا تبادلہ ہوا جس کی زد میں آکر  2 خواتین جاں بحق ہوگئیں۔ 

انہوں نےمزید بتایا کہ فائرنگ کی زد میں آنے سے مزید 2 خواتین سمیت 4 افراد زخمی بھی ہوئے جنہیں ڈسٹرکٹ ہیڈ کوارٹر اسپتال وانا منتقل کر دیا گیا ہے جہاں ان کو بہتر طبی امدا د دی جا رہی ہے۔

ڈپٹی کمشنر ناصرخان کا بتانا ہے کہ جاں بحق اور زخمی افراد تحصیل برمل سے وانا آرہے تھے کہ فائرنگ کی زد میں آئے۔