وزیرستان میں سیکیورٹی فورسز کی بڑی کارروائی، 11 خوارج ہلاک، میجر اور لانس نائیک شہید
آئی ایس پی آر کے مطابق یہ کارروائی 24 جون کو خفیہ اطلاعات کی بنیاد پر کی گئی، جس میں "فتنۃ الخوارج" نامی بھارتی پراکسی تنظیم کے دہشت گردوں کو نشانہ بنایا گیا۔


جنوبی وزیرستان کے علاقے سرا روغہ میں سیکیورٹی فورسز نے بھارت کی پشت پناہی رکھنے والے خوارج کے خلاف کامیاب آپریشن کرتے ہوئے 11 دہشت گردوں کو ہلاک کر دیا، جبکہ شدید فائرنگ کے تبادلے میں پاک فوج کے دو جوان، میجر سید معیز عباس شاہ اور لانس نائیک جبران اللہ شہید ہو گئے۔
آئی ایس پی آر کے مطابق یہ کارروائی 24 جون کو خفیہ اطلاعات کی بنیاد پر کی گئی، جس میں "فتنۃ الخوارج" نامی بھارتی پراکسی تنظیم کے دہشت گردوں کو نشانہ بنایا گیا۔ آپریشن میں 7 خوارج زخمی بھی ہوئے جبکہ ان کے ٹھکانوں کو مؤثر طریقے سے تباہ کیا گیا۔
سیکیورٹی فورسز اور دہشت گردوں کے درمیان شدید جھڑپ کے دوران دو بہادر سپوت مادرِ وطن پر قربان ہو گئے۔
میجر سید معیز عباس شاہ شہید کی عمر 37 برس تھی، ان کا تعلق چکوال (پنجاب) سے تھا، اور وہ گزشتہ 14 سال سے پاک فوج میں خدمات انجام دے رہے تھے۔ وہ متعدد آپریشنز میں اپنی جرأت و بہادری کا مظاہرہ کر چکے تھے۔ وہ اپنے پیچھے اہلیہ اور دو بیٹے چھوڑ گئے۔
لانس نائیک جبران اللہ شہید کا تعلق ضلع بنوں (خیبرپختونخوا) سے تھا، ان کی عمر 26 برس تھی اور وہ 8 سال سے وطن عزیز کے دفاع پر معمور تھے۔ ان کے سوگواران میں اہلیہ اور تین بیٹے شامل ہیں۔
آئی ایس پی آر کے مطابق علاقے میں سرچ اور کلیئرنس آپریشن جاری ہے تاکہ باقی ماندہ بھارتی حمایت یافتہ دہشت گردوں کو بھی کیفرِ کردار تک پہنچایا جا سکے۔
بیان میں کہا گیا کہ مسلح افواج بھارتی سرپرستی میں ہونے والی دہشت گردی کا مکمل خاتمہ کرنے کے لیے پرعزم ہیں، اور ہمارے شہدا کی قربانیاں اس عزم کی علامت ہیں۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

پیٹرول اور ڈیزل کی نئی قیمتوں کا اعلان
- 2 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل



