پاراچنار کے علاقے اپر کرم میں بارودی سرنگ کے دھماکے سے 4 افراد جاں بحق

پاراچنار کے علاقے اپر کرم میں بارودی سرنگ کے دھماکے سے 4 افراد جاں بحق اور چار زخمی ہوگئے۔

زخمیوں کو قریبی اسپتال منتقل کر دیا گیا ہے جہاں ان کا علاج جاری ہے۔

ڈی پی او پاراچنار کے مطابق، متاثرہ افراد لکڑی لانے کے لیے پہاڑ کی جانب جا رہے تھے کہ راستے میں موجود بارودی سرنگ پھٹنے سے وہ اس کی زد میں آگئے۔

ڈی پی او کے مطابق بارودی سرنگ کے دھماکے کے بعد علاقے کو گھیرے میں لے لیا گیا ہے اور مزید سرنگوں کے خدشے کے پیش نظر سرچ آپریشن کیا جارہا ہے۔