این ڈی ایم اے پنجاب، سندھ، خیبرپختونخوا سمیت ملک بھر میں تیز آندھی، بارشوں کا الرٹ جاری کر دیا

اسلام آباد:این ڈی ایم اے نے پنجاب، سندھ، خیبرپختونخوا سمیت ملک بھر میں تیز آندھی، بارشوں کا الرٹ جاری کر دیا۔

این ڈی ایم اے کےاین ای او سی کے مطابق کراچی، حیدرآباد، سکھر، تھرپارکر، بدین، عمرکوٹ سمیت دیگر اضلاع میں شدید بارش، اسلام آبادسمیت پنجاب کے بالائی اور وسطی علاقوں بشمول لاہور، راولپنڈی، فیصل آباد، گوجرانوالہ، میانوالی میں تیز ہواؤں کے ساتھ بارش کا امکان ہے۔

جاری کر دہ الرٹ کے مطابق خیبرپختونخوا کے بیشتر اضلاع بشمول چترال، سوات، ایبٹ آباد، مانسہرہ، پشاور، بنوں، وزیرستان میں  میں موسلا دھار بارش کا امکان ہے، شہری علاقوں میں اربن فلڈنگ اور پہاڑی علاقوں میں لینڈ سلائیڈنگ کا امکان ہے۔

الرٹ کے مطابق پہاڑی علاقوں کو لینڈ سلائیڈنگ کے شدید خطرے کا سامنا ہے، جبکہ اچانک سیلاب نشیبی دیہی بستیوں کو متاثر کر سکتا ہے۔ 

این ڈی ایم اے نے ہنگامی خدمات کو الرٹ کر دیا ہے اور ہنگامی صورتحال کی صورت میں تیاری اور فوری ردعمل کو یقینی بنانے کے لیے صوبائی حکام کے ساتھ رابطہ کر رہا ہے۔