سوات واقعے کی انکوائری چل رہی ہے، جہاں جہاں غفلت پائی گئی کارروائی کریں گے،علی امین

پشاور: وزیراعلی خیبرپختونخوا علی امین گنڈ ا پور کا کہنا ہے کہ ،سوات واقعے کی انکوائری چل رہی ہے، جہاں جہاں جس کی غفلت پائی گئی کارروائی کریں گے۔

تفصیلات کے مطابق صوبائی دارالحکومت پشاور میں میڈیا سے گفتگو کرتے ہوئے علی امین گنڈا پور نے کہا کہ گورنر کے پی کونسلر کی سیٹ بھی جیت نہیں سکتے ،ان کا مزید کہنا تھا کہ گورنر خیبر پختونخوا کی میری حکومت گرانے کی حیثیت نہیں۔

 سانحہ سوات پر ردعمل دیتے ہوئے وزیر اعلی علی امین گنڈا پور نے کہا کہ سوات واقعہ کی انکوائری چل رہی ہے، جہاں جہاں جس کی غفلت پائی گئی کارروائی کریں گے۔

واضح رہے خیبر پختونخوا حکومت کیخلاف تحریک عدم اعتماد کے حوالے سے افواہیں چل رہی ہیں۔

 تاہم دوسری جانب مسلم لیگ ن کے سینیٹر عرفان صدیقی نے کہا ہے کہ کوئی ایسا حربہ نہیں کریں گے جس سے خیبر پختونخوا کسی بحران میں چلا جائے۔