جمائما کا بچوں کی پاکستان آمد سے متعلق حکومتی وزرا کے بیانات پر ردعمل

عمران خان کی سابقہ اہلیہ جمائما گولڈ اسمتھ نے اپنے بچوں قاسم اور سلیمان خان کی پاکستان آمد سے متعلق حکومتی وزرا کے بیان پر ردعمل کا اظہار کیا ہے۔

سوشل میڈیا پلیٹ فارم ایکس پر جاری بیان میں جمائما نے کہا کہ ان کے بچوں کو اپنے والد جو تقریبا دو سال سے جیل میں ہیں، سے فون پر بات کرنے کی اجازت نہیں ہے۔

انہوں نے کہا کہ پاکستان کی حکومت نے اب کہا ہے کہ اگر بچے ان سے ملنے کے لیے وہاں جائیں گے تو انہیں بھی گرفتار کرکے جیل میں ڈال دیا جائے گا۔

جمائما کا کہنا تھا کہ یہ کسی جمہوریت یا ایک فعال ریاست میں نہیں ہوتا، یہ سیاست نہیں بلکہ  ذاتی انتقام ہے۔