ڈیلی الاؤنس نہ ملنے پرقومی ہاکی ٹیم کےکھلاڑیوں کا صبر کا پیمانہ لبریز

لاہور: قومی ہاکی ٹیم کے کھلاڑیوں کے ڈیلی الائونس کے معاملے پر کوئی تسلی بخش پیش رفت نا ہو سکی، کھلاڑی الائونس کے منتظر ہیں جبکہ فیڈریشن کے عہدے داران کی طرف سے جواب ملنے کا سلسلہ بھی ختم ہو چکا ہے۔

ذرائع کے مطابق کھلاڑیوں میں شدید غصے کی لہر، ان کا کہنا ہے کہ اب ان کے صبر کا پیمانہ لبریز ہو چکا ہے۔ فیڈریشن کے ذمے فی کھلاڑی تقریباٌ 5,5  لاکھ روپے واجب الادا ہیں۔

ذرائع کا  کہنا ہے کہ ایف آئی ایچ نیشنز کپ کے دوران انٹرنیشنل ڈیلیز نہیں ملیں، جبکہ اسلام آباد میں دو مرحلوں میں لگائے جانے والے کیمپس کی ڈیلیز بھی ادا نہیں کی گئیں۔

ذرائع نے مزید بتایا کہ کھلاڑیوں کو انٹرنیشنل 30 ہزارروپے جبکہ ڈومیسٹک 3ہزار روپے ڈیلی الائونس ملتا ہے۔