شعبہ فلم اینڈ براڈکاسٹنگ کی کامیابیاں، چیئرمین ایچ ای سی کی تعاون کی یقین دہانی

پروفیسر ڈاکٹر لبنیٰ ظہیر، چیئرپرسن شعبہ فلم اینڈ براڈکاسٹنگ، اسکول آف کمیونیکیشن اسٹڈیز، جامعہ پنجاب کو چیئرمین ہائر ایجوکیشن کمیشن، پروفیسر ڈاکٹر مختار احمد سے ملاقات کا شرف حاصل ہوا، جو کہ معزز سینیٹر عرفان صدیقی کی موجودگی میں منعقد ہوئی۔

اس ملاقات میں اعلیٰ تعلیم سے متعلق اہم تعلیمی امور پر تبادلہ خیال کیا گیا، خصوصاً فلم ڈیپارٹمنٹ کی کارکردگی اور مستقبل کے اہداف پر تفصیلی گفتگو ہوئی۔ ڈاکٹر مختار احمد نے شعبہ فلم کی وژن اور کامیابیوں کو سراہا اور تعلیمی و تخلیقی منصوبوں میں بھرپور تعاون کی یقین دہانی کرائی۔

اس موقع پر ڈاکٹر لبنیٰ ظہیر نے چیئرمین ایچ ای سی کو جامعہ پنجاب کے شعبہ فلم اینڈ براڈکاسٹنگ کے دورے کی باضابطہ دعوت بھی دی، جسے انہوں نے خوش دلی سے قبول کر لیا۔