اسحاق ڈار کی کمبوڈیائی وزیر خارجہ سے ملاقات ، تجارتی اور دوطرفہ تعلقات بڑھانے پر اتفاق

اسلام آباد: وزیر خارجہ ونائب وزیرا عظم اسحاق ڈار نےکمبوڈیا کےوزیر خارجہ سے ملاقات کی ،جس دوران دونوں ممالک کے مابین باہمی تجارت اور دو طرفہ تعلقات بڑھانے پر اتفاق کیا گیا۔

 ترجمان دفتر خارجہ کے مطابق ملاقات میں پاکستان اور کمبوڈیا کے درمیان تجارت و سرمایہ کاری بڑھانے پر اتفاق ہوا، جب کہ دونوں رہنماؤں نے دوطرفہ روابط کو ہر سطح پر فروغ دینے پر زور دیا۔

ترجمان دفتر خارجہ کا مزید کہنا تھا کہ اسحاق ڈار نے کہا کہ کمبوڈیا کے وزیراعظم کے دورہ پاکستان کے منتظر ہیں جس پر وزیر خارجہ کمبوڈیاکا کہنا تھا کہ وزیراعظم کے دورے کی تاریخیں سفارتی ذرائع سے طے کی جائیں گی۔

ترجمان کے مطابق دونوں رہنماؤں کے درمیان ملاقات آسیان علاقائی فورم کی سائیڈ لائنز پر ہوئی۔