خیبرپختونخوا : مخصوص نشستوں پر ارکان کی حلف برداری آج شام گورنر ہاؤس میں ہو گی

پشاور: خیبرپختونخوا میں مخصوص نشستوں پر ارکان کی حلف برداری آج شام کرنے کا فیصلہ کرلیا گیا، حلف برداری آج شام 6 بجے گورنر ہاؤس پشاور میں ہوگی۔

تفصیلات کے مطابق خیبرپختونخوا میں اقلیتی اور خواتین کی مخصوص نشستوں پر منتخب ارکان کی حلف برداری کی تقریب آج شام گورنر ہاؤس میں ہوگی، حلف برداری کی تقریب شام 6 بجے گورنر ہاؤس پشاور میں منعقد ہوگی۔ 

تقریب میں گورنر خیبرپختونخوافیصل کریم کنڈی منتخب ارکان سے حلف لیں گے۔

ذرائع نے بتایا ہے کہ تقریب کی تمام تیاریاں مکمل کر لی گئی ہیں اور سیکیورٹی کے سخت انتظامات کیے گئے ہیں جبکہ مدعو ارکان اور صحافیوں کو تقریب میں شرکت کی اجازت دی گئی ہے۔

ذرائع کے مطابق گورنر خیبرپختونخوا نے آج شام اجلاس بھی طلب کرلیاہے،جبکہ حلف برداری کا باضابطہ اعلان کسی بھی وقت متوقع ہے۔

ذرائع کا مزید کہنا تھا کہ پی ٹی آئی کی رکاوٹیں ناکام ہوگئی ہے، اپوزیشن جماعتوں آج شام حلف برداری کو جمہوریت کی جیت، آئینی عمل کی فتح قرار دیا ہے۔