راولپنڈی: نجی ہاؤسنگ سوسائٹی میں باپ بیٹی کار سمیت برساتی نالے میں بہہ گئے

راولپنڈی: جڑواں شہروں راولپنڈی اور اسلام آباد پیر کی سہ پہر سے وقفے وقفے سے بارش کا سلسلہ جاری ہے جس کے سبب نیشبی علاقے زیر آب آگئے،اسی دوران نجی ہاؤسنگ سوسائٹی کے فیز 5 میں کار سوار باپ اور بیٹی برساتی نالے میں بہہ گئے۔

تفصیلات کے مطابق کار سوار قاضی اسحق اور اس کی بیٹی نے برساتی نالے کے قریب سے گاڑی گزارنے کی کوشش کی، پانی کا بہاؤ تیز ہونے پر دونوں گاڑی سمیت پانی میں بہہ گئے۔

ریسکیو حکام کا کہنا ہے کہ پانی میں بہہ جانے والے افراد کی تلاش کے لیے آپریشن شروع کر دیا ہے۔

واضح رہے کہ راولپنڈی اور اسلام آباد میں تیز بارش سے نشیبی علاقے زیر آب آ گئے ہیں ، متعدد علاقوں میں بارش کا پانی گھروں میں داخل ہو گیا۔