ایشیا کپ کب اور کہاں کھیلا جائے گا؟ اے سی سی نے شیڈول کا اعلان کر دیا

ویب ڈیسک: ایشیا کپ 2025 کے حوالے سے اہم پیشرفت سامنے آئی ہے،ایشن کرکٹ کونسل ( اے سی سی) نے ایشیا کپ کا شیڈول جاری کر دیا۔
تفصیلات کے مطابق ایشین کرکٹ کونسل کے سربراہ محسن نقوی نے ایشیاکپ کرکٹ ٹورنامنٹ 2025 کے شیڈول کا اعلان کر دیا۔

اے سی سی کے سربراہ محسن نقوی کی جانب سے جاری بیان میں کہا گیا ہے کہ ایشیا کپ 9 سے 28 ستمبر تک متحدہ عرب امارات( یو اے ای) میں کھیلا جائے گا۔ 

ٹورنامنٹ میں آٹھ ٹیمیں حصہ لیں گی جن میں پاکستان، بھارت، سری لنکا، بنگلہ دیش، افغانستان، متحدہ عرب امارات، عمان اور ہانگ کانگ شامل ہیں۔

خیال رہے کہ اس سے قبل بھارتی کرکٹ ویب سائٹ کی رپورٹ میں بتایا گیا تھا کہ ایشیا کپ پر تمام معاملات حل ہو گئے ہیں اور ٹورنامنٹ کا شیڈول اگلے 24 سے 48 گھنٹوں میں آسکتا ہے۔

I am delighted to confirm the dates for the ACC Men's Asia Cup 2025 in UAE 🇦🇪 . The prestigious tournament will take place from September 9th to 28th. We look forward to a spectacular display of cricket! Detailed Schedule will be out soon. #Cricketwins

— Mohsin Naqvi (@MohsinnaqviC42) July 26, 2025

رپورٹ کے مطابق ایشین کرکٹ کونسل کے اجلاس میں بی سی سی آئی نے ٹورنامنٹ کے شیڈول کے لیے وقت مانگا تھا،جس کے بعد بھارتی وزارت خارجہ کی جانب سے بھارتی کرکٹ بورڈ (بی سی سی آئی ) کو ایشیا کپ میں پاکستان کے ساتھ کھیلنے کی اجازت دے دی گئی تھی۔