بلوچستان :  بھارتی اسپانسرڈ دہشتگرد وں اور سہو لتکاروں کا انجام عبرتناک ہو گا، وزیر داخلہ 

 بلوچستاں میں بھارتی اسپانسرڈ دہشتگردوں کے خلاف کاروائیوں کا آغاز کر دیا گیا ہے ،ریاست کو چیلنج کرنے والوں کو انجام تک پہنچائیں گے ۔ 
تفصیلات کے مطابق وفاقی وزیر داخلہ محسن نقوی اور وزیر اعلی بلوچستان میر سر فراز بگٹی کی زیر صدارت اعلی سطح کا سیکیورٹی اجلاس کوئٹہ میں منعقد ہوا ۔ 
اجلاس میں امن و امان ، دہشتگردی کے خلاف اقدامات اور صوبائی ایکشن پلان پر عملدرآمد کا تفصیلی جائزہ لیا گیا۔"محسن نقوی نے مزید کہا کہ بھارتی اسپانسرڈ دہشتگرد اور ان کے سہولتکار عبرتناک موت کا شکار ہوں گے، ریاستی رٹ کو چیلنج کرنے والوں سے آہنی ہاتھوں سے نمٹا جائے گا۔ 
 وزیر داخلہ نے بلوچستان حکومت کی انسداد دہشتگردی کی کوششوں کو سراہا اور مکمل وفاقی تعاون جاری رکھنے کی یقین دہانی کرائی۔
وزیر اعلی سر فراز بگٹی نے کہا کہ یہ صرف سیکیورٹی فورسز کی نہیں بلکہ پوری قوم کی جنگ ہے، پاکستان دشمنوں کے لیے بلوچستان کی زمین تنگ کر دی گئی ہے۔ 
اجلاس میں فیصلہ کیا گیا کہ صوبائی ایکشن پلان پر عمل درآمد میں درپیش رکاوٹوں کو دور کیا جائے گا، تمام ریاستی وصائل بروئے کا ر لائے جائیں گے اور آخر میں اس بات پر زور دیا گیا کہ امن کے قیام کے لیے اداروں اور عوام کی قربانیاں رائیگاں نہیں جانے دی جائیں گی۔