چیف آف ڈیفنس کانفرنس،  عالمی خطرات کے مقابل فوجی تعاون ناگزیرہے، فیلڈ مارشل عاصم منیر

اسلام آباد : اسلام آباد میں مضبوط ربط ، محفوظ امن کے عنوان سے ریجنل چیفس آف ڈیفنس سٹاف کانفرنس کا انعقاد ہوا۔ 
پاکستان کی جانب سے کانفرنس کی میزبانی فیلڈ مارشل عاصم منیر نے کی ۔ انہوں نے اپنے افتتاحی خطاب میں عالمی امن کو درپیش خطرات پر بات کی ۔ انہوں نی کہا کہ پچیدہ ہائبرڈ چیلنجز سے نمٹنے کے لیے اسٹریجک مکالمہ اور باہمی فوجی تعاون وقت کی اہم ضرورت ہے ۔

 فیلڈ مارشل نے خطے میں امن ، استحکام اور ترقی کے لیے پاکستان کے عزم کا اعادہ کیا ، کانفرنس میں امریکہ، قازقستان ، تاجکستان اور ازبکستان کے اعلی عسکری حکام نے شرکت کی۔ 
اجلاس میں دہشتگردی کے خلاف تعاون ، مشترکہ تربیت، سائبر سیکیورٹی، انسانی ہمدردی کے رد ومل جیسے موضوعات پر غور کیا گیا۔ 
شرکا نے مشترکہ طور پر امن، خود مختاری کے تحفظ اور انتہا پسندی کے خاتمے کے لیے عزم کا اظہار کیا۔ 

کانفرنس کے شرکا نے پاکستان کی قیادت، میزبانی اور دفاعی سفارت کاری کے کردار کو سراہا۔ 
آئی ایس پی آر کے مطابق یہ کانفرنس پاکستان کے اس وژن کی عکاس ہے کہ وہ ایک محفوظ،ہم آہنگ اور تعاون پر مبنی علاقائی نظام تشکیل دینا چاہتا ہے۔