پنجاب آرٹس کونسل کی جانب سے ایس او پیزکی خلاف ورزی کرنے والے اداکاروں کو نوٹسز جاری

لاہور: وزیر اطلاعات پنجاب عظمیٰ بخاری کے احکامات کے بعد پنجاب آرٹس کونسل کی جانب سے ایکشن جاری ہے، پنجاب آرٹس کونسل نے لاہور اور قصور کے تھیٹرز پر پرفارم کرنے والے فنکاروں کو نوٹسز جاری کردئیے۔

 ایس او پیز کی خلاف وریز پر پنجاب آرٹس کونسل نے ایکشن لیتے ہوئے اداکار وں  کوڈو،شاہد خان،عدیل مستانہ،ننیاں شہزادی ،شازیہ بلوچ اور عائشہ خان کو  نوٹسزجاری کیے۔

 پنجاب آرٹس کونسل نے فنکاروں کو  نوٹسز کا جواب جمع کرانے کے لئے دو دن کا وقت دے دیا  نوٹسز ڈپٹی ڈائریکٹر لٹریچر اینڈ تھیٹر عادل رانا نے جاری کئے۔

 پنجاب آرٹس کونسل کی جانب سے مزید کہا گیا کہ  تھیٹر میں کسی بھی قسم کی فحاشی و غیر اخلاقی پرفارمنس کی اجازت نہیں ہے اس ضمن میں جو بھی خلاف ورزی کرے گا اسکے خلاف ضابطے کے مطابق کارروائی عمل میں لائی جائے گی۔