راولپنڈی : بیٹی سمیت سیلابی ریلے میں بہنے والے کرنل (ر)کی گاڑی برآمد، بیٹی کی تلاش تاحال جاری 

راولپنڈی میں گزشتہ ہفتے ہونے والی شدید بارش کے بعد سیلابی پانی میں بہہ جانے والے ریٹائرڈ کرنل اسحٰق قاضی اور ان کی بیٹی منیبہ کی تلاش جاری رہی ۔

 ریسکیو حکام کے مطابق  کرنل اسحٰق قاضی کی سرمئی رنگ کی ہونڈا سٹی  کو کاک پل کے قریب سے برآمد کرلیا گیا ۔

 تفصیلات کے مطابق واولپنڈی کی  نجی ہاؤسنگ سوسائٹی  کے رہائشی 63 سالہ کرنل اسحٰق قاضی کی لاش ریسکیو ٹیموں نے گزشتہ جمعہ کو تلاش کر لی تھی ، تاہم کرنل اسحاق  کی بیٹی منیبہ کی لاش تاحال جاری ہے ۔
 ریسکیو حکام کے مطابق منیبہ کی تلاش تاحال جاری ہے اور ضلعی ایمرجنسی آفیسر (ڈی ای او) صبغت اللہ نے امید ظاہر کی ہے کہ جلد اس کی لاش بھی برآمد کر لی جائے گی۔
اسلام آباد کے سہالہ تھانے کے مطابق حادثہ اُس وقت پیش آیا جب شدید بارشوں  کے بعد سڑکوں پر سیلابی صورت حال پیدا ہو گئی ، کرنل اسحٰق اور ان کی بیٹی کے گاڑی میں موجود تھے اور شدید سیلابی بارشوں کے باعث  گاڑی بند ہوگئی ۔

 کرنل اسحٰق نے گاڑی دوبارہ اسٹارٹ کرنے کی کوشش کی تو تیز بہاؤ گاڑی کو اپنے ساتھ نالے میں بہا لے گیا، جس کے نتیجے میں دونوں لاپتا ہو گئے۔

واضح رہے کہ یہ افسوسناک واقعہ پاکستان میں مون سون سیزن کے دوران پیش آیا، جو عموما جون کے اختتام سے ستمبر تک جاری رہتا ہے، اس دوران شمالی و مغربی علاقوں میں شدید بارش ، اچانک سیلاب اور لینڈ سلائیڈنگ جیسے موسمی خطرات میں نمایاں اضافہ ہو جاتا ہے۔