لکی مروت میں مارٹر گولا پھٹنے سے 5 بچے جاں بحق،متعدد زخمی 

لکی مروت: صوبہ خیبرپختونخوا کے ضلع لکی مروت میں مارٹر گولا پھٹنے سے 5 بچے جاں بحق جبکہ 12 بچے زخمی ہو گئے۔

تفصیلات کے مطابق یہ افسوسناک واقعہ لکی مروت کے تھانہ صدر کی حدود میں پیش آیا جہاں مارٹر گولا پھٹنے سے 5 بچےجاں بحق اور 12 زخمی ہوگئے۔

 پولیس کا کہنا ہے کہ بچوں کو باہر سے مارٹر گولا ملا تھا، جس کو گھر لے آئے، بچوں کے مارٹر گولے سے کھیلنے دوران گولا دھماکے سے پھٹ گیا۔

ریسکیوحکام کے مطابق واقعے میںر زخمی ہونے والےبچوں کو قریبی اسپتال منتقل کر دیا گیا ہے جہاں ان کو بہتر طبی امداد دی جارہی ہے۔

خیال رہے کہ گزشتہ روز بھی خیبر پختونخوا کے ضلع باجوڑ میں ایک مارٹر شیل گھر پر گرنے سے خاندان کے 4 افراد زخمی ہو گئے تھے۔