پاکستان اور ایران کا تجارتی حجم 10 ارب ڈالر تک بڑھانے پر اتفاق ہوا ہے،وزیر خارجہ اسحاق ڈار
پاکستان کو اپنا دوسرا گھر سمجھتا ہوں، پاک ایران تعلقات مشترکہ ثقافت اور مذہب پر مبنی ہیں،ایرانی صدر


اسلام آباد: وزیر خارجہ و نائب وزیر اعظم اسحاق ڈار کا کہنا ہے کہ پاکستان اور ایران کے مابین تجارت کی راہ میںحائل رکاوٹوں کو دور کرنے اور تجارتی حجم 10 ارب ڈالر تک بڑھانے پر اتفاق ہوا ہے۔
تفصیلات کے مطابق وفاقی دارالحکومت اسلام آباد میں پاکستان ایران بزنس فورم کا انعقاد ہوا، جس میں ایرانی صدر مسعود پزشکیان، ایرانی وزیر تجارت عطا آتابک، وفاقی وزیر تجارت جام کمال موجود تھے، فورم میں دو ملکوں کے قومی ترانے بھی بجائے گئے۔
اس موقع پر فورم سے خطاب کرتے ہوئےوزیر خارجہ اسحاق ڈار کا کہنا تھا کہ پاکستان ایران بزنس فورم کا انعقاد خوش آئند ہے، پاکستان میں زرعی اور صنعتی شعبوں میں سرمایہ کاری کے بہت سے مواقع ہیں۔
تقریب سے خطاب کرتے ہوئے وزیرخارجہ اسحاق ڈار کا کہنا تھا کہ پاکستان ایران کے تعلقات مذہبی اور ثقافتی رشتوں میں بندھے ہوئے ہیں، ایران کے ساتھ تجارت کے فروغ کیلئے کوشاں ہیں۔
وزیر خارجہ اسحاق ڈار نے مزید کہا کہ دونوں ممالک تجارت کی راہ میں رکاوٹ کو دور کریں گے،دونوں ممالک کا تجارتی حجم 10 ارب ڈالر تک بڑھانے پر اتفاق ہوا ہے،ان کا مزید کہنا تھا کہ ایران اور پاکستان ایس سی او اور ای سی او فورم میں یکساں مؤقف رکھتے ہیں،جس سے دونوں ممالک کو تجارت کے دستیاب مواقعوں سے فائدہ اٹھانا ہوگا۔
نائب وزیراعظم کا کہنا تھا کہ سرمایہ کاری کو بہترین ماحول کی فراہمی کے لیے پرعزم ہیں، پاکستان کے تمام معاشی اشاریے درست سمت میں گامزن ہیں، زرعی اور صنعتی شعبے میں سرمایہ کاری کے پرکشش مواقع ہیں، بزنس کمیونٹی سے کہتا ہوں کہ مواقع کا فائدہ اٹھائیں اس سے پہلے کہ یہ ختم ہوجائیں۔
پاکستان کو اپنا دوسرا گھر سمجھتا ہوں،ایرانی صدر
اس موقع پر ایرانی صدر مسعود پزشکیان نے فورم سے خطاب کرتے ہوئے کہا کہ پاکستان کو اپنا دوسرا گھر سمجھتا ہوں، پاک ایران تعلقات مشترکہ ثقافت اور مذہب پر مبنی ہیں۔
ایرانی صدر نے کہا کہ پاکستان کے ساتھ اچھے تعلقات ہماری پالیسی کا جز ہیں، پاکستان کے ساتھ تعلقات برقرار رکھنے کے لیے پرعزم ہیں۔
فورم سے خطا ب میں ایرانی صدر کامزید کہنا تھا کہ پاکستان کے ساتھ تجارت 10 ارب تک لے جانا چاہتے ہیں، سمندری اور زمینی راستوں کی ترقی وقت کی ضرورت ہے، فری اکنامک زون دونوں ملکوں کے لیے ضروری ہے۔
وفاقی وزیر تجارت جام کمال خان کا خطاب
اس سے قبل وفاقی وزیر برائے تجارت جام کمال خان نے تقریب سے خطاب کرتے ہوئے کہا کہ ایران اور پاکستان کے درمیان گہرے برادرانہ تعلقات ہیں، دونوں ممالک کے درمیان تجارت کا فروغ چاہتے ہیں، سرحدی تجارت کے فروغ کی حوصلہ افزائی کریں گے۔
وزیر تجارت نے کہا کہ تجارت کے دستیاب مواقع سے استفادہ کریں گے، دونوں ممالک تجارت اور سرمایہ کاری کے لیے پرعزم ہیں، ایران کی جانب سے سرمایہ کاری کی دلچسپی کو سراہتے ہیں، مشترکہ اقتصادی کمیشن اجلاس سے معاشی تعاون کو فروغ ملے گا۔

سونے کی قیمت میں مسلسل دوسرے روز بھی نمایاں کمی، فی تولہ کتنے کا گیا؟
- 19 hours ago

وزیرخارجہ اسحا ق ڈار سے چینی سفیر کی ملاقات، علاقائی و عالمی صورتحال پر تبادلہ خیال
- 21 hours ago

جے ڈی وینس کی آج پاکستان روانگی متوقع، مذاکرات کا دوسرا دور کل اسلام آباد میں ہوگا،امریکی میڈیا
- 20 hours ago

امریکا کے ساتھ مجوزہ مذاکرات میں شرکت کا حتمی فیصلہ تاحال نہیں ہوا،ایران
- 15 hours ago

بھارتی چیف آف ڈیفنس اسٹاف کاآپریشن سندور میں پاکستان کے ہاتھوں بدترین شکست کااعتراف
- 21 hours ago

سی ٹی ڈی کی کراچی میں کامیاب کارروائی،کالعدم تنظیم کے متعدد کارندے گرفتار
- 15 hours ago

پی ایس ایل:لاہور قلندرز نے سنسنی خیز مقابلے کے بعد کوئٹہ گلیڈی ایٹرز کو 9 رنز سے ہرادیا
- 20 hours ago

اسحاق ڈار کا سعودی وزیر خارجہ سے ٹیلیفونک رابطہ، خطے کی تازہ صورتحال پر تبادلہ خیال
- 16 hours ago
.jpg&w=3840&q=75)
پنجاب حکومت کا مہلک بیماریوں سے بچاؤ کیلئے صوبے بھر میں آگاہی مہم چلانے کا فیصلہ
- 16 hours ago
.jpg&w=3840&q=75)
جنگ بندی میں توسیع نہیں کرنا چاہتا،ایران کے پاس معاہدے کے علاوہ کوئی راستہ نہیں ہے،ٹرمپ
- 18 hours ago

اسلام آباد امن مذاکرات میں شرکت کیلئے ایرانی جواب کا تاحال انتظار ہے،عطا تارڑ
- 17 hours ago
وزیر خارجہ کی امریکی ناظم الامور نیتالی بیکر سے ملاقات،قیام امن اور جنگ میں توسیع کی تجویز
- 17 hours ago










