شوہر نے گھریلو جھگڑے پر پانچ بچوں کی ماں کو آگ لگا دی

رپورٹ : فراز نظام

تفصیلات کے مطابق  کاہنہ میں ایک اور خاتون قتل کردیا گیا،  ظالم شوہر نے گریلو جھگڑے پر پانچ بچوں کی ماں کو آگ لگا دی ۔کاہنہ نجی سوسائٹی میں زبیر نے مبینہ طور پر اپنی 38 سالہ بیوی نائلہ طاہر کو گھریلو جھگڑے پر آگ لگا ئی ، آگ لگنے سے خاتون موقع پر ہلاک ہوگئی۔

جی این این کے مطابق  ملزم نے آگ لگانے سے پہلے اپنے پانچ بچے پہلے ہی نانی کے گھر پہنچا دئیےتھے ، تھانہ کاہنہ پولیس نے موقع پر پہنچ کر نعش قبضہ میں لیکر ضروری کارروائی کا آغاز کر دیا۔

سربراہ لاہور پولیس غلام محمود ڈوگر نے  تھانہ کاہنہ کی حدود میں خاتون کی ہلاکت پر نوٹس لے لیا، سی سی پی او لاہور غلام محمود ڈوگر نے ایس پی ماڈلٹاؤن سے رپورٹ طلب کر لی، ہے اور  غلام محمود ڈوگر نے  مقدمہ درج کرتے ہوئے ملزم کو گرفتار کرنے کی ہدایت بھی کی ہے۔

ترجمان لاہور پولیس  کا کہنا ہے کہ پولیس نے لاش کو تحویل میں لے لیا، فرانزک ٹیمیں موقعہ پر پہنچ گئیں ہیں ۔