آپریشن سیندور میں بدترین شکست : بھارتی ایئرچیف کا 6 پاکستانی طیارے مار گرانے کا مضحکہ خیز دعوی

نئی دہلی: آپریشن سیندور میں پاکستان کے ہاتھوں ملنے والی بدترین شکست پر بوکھلاہٹ کا شکار بھارتی ائیر چیف کا مضحکہ خیز دعوی سامنے آ گیا۔

شکست کے بعد اپنی ناکامیوں کو چھپانے کے لیے بھارتی ائیر چیف نے پاکستان کے6 طیارے مار گرانے کا مضحکہ خیز دعوی کر دیا جس پر لوگوں کی جانب سے کافی تنقید کی جا رہی ہے۔

بھارتی میڈیا کے مطابق بھارتی ایئر چیف نے مضحکہ خیز دعویٰ بنگلور میں ایک میموریل لیکچر کے دوران کیا ،جس میں ایئرچیف نے دعویٰ کیا کہ بھارت نے پاکستان کے پانچ لڑاکا اورایک ریڈار طیارہ تباہ کیے۔

یادرہے کہ آپریشن سیندور کے دوران پاک فضائیہ کے ہاتھوں بھارتی طیاروں کی تباہی کا اعتراف امریکی صدر ڈونلڈ ٹرمپ ،عالمی میڈیا اور خود بھارتی آرمی چیف بھی کرچکے ہیں۔