پاکستان اور چین کی دوستی لازوال ہے : شیخ رشید

تفصیلات کے مطابق میڈیا سے گفتگو کرتے ہوئے شیخ رشید کا کہنا تھا کہ قراقرم ہائی وے حادثے میں 13 افراد جاںبحق ہوئے ہیں ، اعلیٰ تحقیقاتی ادارے واقعے کی تحقیقات کر رہے ہیں ، 15لوگ چین کے بھی تحقیقات میں آکر شامل ہو چکے ہیں ، ملزموں کو قانون کے دائرے میں لائیں گے اور بے نقاب کریں گے ۔

پاکستان اور چین کی دوستی لازوال ہے اس میں کوئی فرق نہیں پڑ سکتا ہے ، چین کے وزیر داخلہ نے مجھ سے بات کی اور  چینی صدر کی ہدایت پر میں نے سیکیورٹی اداروں کو ہدایت کی ہے کہ چائینیز کی سکیورٹی کو مزید موثر کریں ۔

چائینز صدر کی ہدایت کے مطابق وزیرداخلہ نے اپنے جذبات کا اظہار کیا ،انہوں نے مزید سکیورٹی اور سیفٹی کا اظہار کیا جس پر ہم نے یقین دلایا ،وزیراعظم نے کل شاہ محمود قریشی کو چین جانے کی ہدایت کی ہے ، جبکہ چائینیز کی سکیورٹی کو مزید مضبوط بنایا جائے گا ۔

انہوں نے کہاکہ چین کی حکومت کو مکمل طور پر یقین دلاتے ہیں کہ سی پیک کے دشمنوں کو کسی قیمت پر معاف نہیں کیا جائے گا ۔ پاکستان اور چین کی دوستی لازوال ہے اس میں کوئی فرق نہیں پڑ  سکتا ، سیکیورٹی اداروں کو ہدایت کی ہے کہ چائینیز کی سکیورٹی کو مزید موثر کریں ، پاکستان صرف امن کا داعی ہے ۔