پاکستان کا امن افغانستان کے امن سے وابستہ ہے : شیخ رشید

تفصیلات کے مطابق میڈیا سے گفتگو کرتے ہوئے وزیر داخلہ کا کہنا تھا کہ چند سوغلط پاسپورٹ جن لوگوں نے جاری کیے ہیں  اس میں ملوث 19لوگوں کو شوکاز نوٹس دیئے ہیں اور 5 مزید افراد کو گرفتار کیا ہے ،جن لوگوں کا ویزا ختم ہو چکا ہے ان کو واپس جانے کا وقت دے رہے ہیں ۔

شیخ رشید کا کہنا تھا کہ پاکستان کے تمام ادارے بارڈرز پر چوکس چوبند ہیں اور ہر حالات کیلئے تیار ہیں ، بھارت پاکستان میں مداخلت کا کوئی موقع جانے نہیں دیتا پہلے افغانستان کے بارڈر روس کیساتھ ملتے تھے ،

وزیر داخلہ کا مزید کہنا تھا کہ افغان پالیسی پر بہتر بیان فارن منسٹری دے سکتی ہے ،اپنی سرزمین کو افغانستان کیلئے استعمال نہیں کرنے دیں گے ۔

عمران خان نے تاریخی جملہ بولا ہے ڈومور کی جگہ اب نو مور ہے ، پاکستان جغرافیہ میں اہم جگہ پر واقع ہے ، ہماری اہمیت نقشہ کی وجہ سے اہم سے اہم ہوتی جا رہی ہے ، ہم نے ہر طرح سے چین حکومت کو یقین دلایا ہے کہ چائینز کی جان کی حفاظت ہم پر فرض ہے ، جن لوگوں کو پاک چین دوستی کھٹک رہی ہے ان کو منہ کی کھانی پڑے اور وہ ناکام ہوں گے ۔