عمران خان کشمیر میں حکومت بنائے گا ، روک سکتے ہو تو روک لو : شیخ رشید

تفصیلات کے مطابق باغ میں انتخابی جلسہ عام سے خطاب کرتے ہوئے عوامی مسلم لیگ کے سربراہ شیخ رشید احمد نے اپنی تقریر کے دوران کہا کہ ن لیگ کا جو یار ہے -غدار ہے اور مودی کا جو یار ہے -غدار ہے‘ کا نعرہ بھی لگایا جس پر شرکائے جلسہ نے بھرپورجواب بھی دیا۔

وفاقی وزیر داخلہ شیخ رشید نے کہا کہ بلاول کے خلاف بات کرو گے تو میرا دل ٹوٹ جائے گا۔ انہوں نے کہا کہ یہاں پرکچھ انڈر19 لوگ بھی آئے تھے جنہوں نے مودی اور آر ایس ایس کا نام تک نہیں لیا۔

شیخ رشید احمد نے کہا کہ ان لوگوں نے تقاریر میں عمران خان کا نام لیا کیونکہ اُس نے انہیں گلے سے پکڑا ہے۔

انہوں نے کہا کہ انشااللہ الیکشن جیتنے کے بعد بھی آزادکشمیر آؤں گا۔ ان کا کہنا تھا کہ روک سکتے ہو تو روک لو آزاد کشمیرمیں 25 جولائی کو عمران خان کی حکومت ہی بنے گی۔