رحیم یار خان میں المناک حادثہ، بس اور ایمبولینس ٹکرا گئیں، 6 جاں بحق ،متعدد زخمی

رحیم یارخان: پنجاب کے ضلع رحیم یار خان میں مسافر بس اور ریسکیو ایمبولینس کے درمیان خوفناد تصادم ہوا ہے جس کے نتیجے میں 6 افرادجاں بحق جبکہ 3 شدید زخمی ہو گئے۔

تفصیلات کے مطابق یہ المناک حادثہ رحیم یار خان کے نواحی علاقے کوٹسمابہ میں پیش آیا جہاں ایک مسافر بس اورریسکیو ایمبولیس آپس میں ٹکرا گئیں ،حادثے کے نتیجے میں 4 ریسکیو اہلکاروں سمیت 6 افراد جاں بحق جبکہ 3 افراد شدید زخمی ہو گئے۔

ریسکیو 1122 حکام کے مطابق واقعہ اس وقت پیش آیا جب مسافر بس نے موٹر سائیکل سوار کو بچانے کی کوشش کی تاہم اچانک سامنے سے آنے والی ایمبولینس سے تصادم ہو گیا۔ 

حادثے کے بعد دونوں گاڑیاں بری طرح تباہ ہو گئیں،لاشوں اور زخمیوں کو فوری طور پر تشویشناک حالت میں قریبی اسپتال منتقل کر دیا گیا ہے۔

جاں بحق ہونے والوں میں ریسکیو اہلکار بھی شامل ہیں۔