پاکستان فٹبال فیڈریشن کا نیا آفیشل بینک اکاؤنٹ: فیفا کی فنڈنگ جلد ملنے کا امکان

پاکستان فٹبال فیڈریشن (پی ایف ایف) کی مالی مشکلات جلد حل ہونے کی امید ہے کیونکہ فیڈریشن نے محسن گیلانی کی قیادت میں لاہور میں ایک نجی بینک میں نیا آفیشل اکاؤنٹ کھولا ہے۔

مقامی بینک نے فیفا کی تصدیق کے بعد پاکستان فٹبال فیڈریشن کا نیا اکاؤنٹ کھول دیا، جس پر پی ایف ایف نے فیفا کو اکاؤنٹ کی تفصیلات سے آگاہ کر دیا ہے۔

نیا بینک اکاؤنٹ کھلنے کے بعد پی ایف ایف کو فیفا کی تمام فنڈنگ جلد منتقل ہونے کی توقع ہے، جو کہ اس کی مالی حالت میں بہتری کا باعث بنے گی۔

یاد رہے کہ قانونی پیچیدگیوں کی وجہ سے پی ایف ایف کا پرانا اکاؤنٹ بند تھا، جس کے باعث ماضی میں فیڈریشن کو فنڈز کی ترسیل میں مشکلات پیش آ رہی تھیں۔