صدر پاکستان کی جانب سے (این ایف سی) کی تشکیل میں تبدیلی کی منظوری

صدرِ پاکستان آصف علی زرداری نے 11ویں قومی مالیاتی کمیشن (این ایف سی) کی تشکیل میں تبدیلی کی منظوری دے دی ہے۔

بلوچستان کی جانب سے محفوظ علی خان کو این ایف سی کا رکن نامزد کیا گیا تھا، جس کے بعد صدر آصف علی زرداری نے نئی نامزدگی کی منظوری دیتے ہوئے پچھلی منظوری کو منسوخ کر دیا۔

اس کے علاوہ، صدر نے کرمنل لاز ترمیمی بل 2025 کی بھی منظوری دے دی۔

یاد رہے کہ چند روز قبل صدرِ پاکستان آصف علی زرداری نے 11واں قومی مالیاتی کمیشن تشکیل دیا تھا، جس میں چاروں صوبوں کے وزرائے خزانہ اور ہر صوبے سے ایک ماہر کو کمیشن میں شامل کیا گیا تھا۔