آرمی چیف سے چینی سفیر کی جی ایچ کیو میں ملاقات، داسو واقعہ پر دلی دکھ کا اظہار

پاک فوج کے شعبہ تعلقات عامہ (آئی ایس پی آر ) کا کہنا ہے کہ  آرمی چیف جنرل قمر جاوید باجوہ سے چینی سفیر کی جی ایچ کیو میں ملاقات ہوئی ہےآرمی چیف نے داسو واقعہ، چینی شہریوں کے جانی نقصان پر دلی دکھ کا اظہار کیا ہے۔

آئی ایس پی آر کے مطابق  آرمی چیف نے چین کی حکومت، عوام، متاثرہ خاندانوں کے ساتھ دلی ہمدردی کا اظہار کیا۔

آرمی چیف قمر جاوید باجوہ  نے کہا کہ   پاک فوج ہر مشکل کے ساتھی کے ساتھ برادرانہ تعلقات کو کلیدی اہمیت دیتی ہے، پاکستان میں کام کرنے والے چینی شہریوں کو مکمل تعاون، سیکیورٹی فراہم کرنے کے لیے پرعزم ہیں، ہم امن کے لیے کام کر رہے ہیں۔