عبدالرزاق نے ندا ڈار کے متعلق اپنا مؤقف واضح کردیا

تفصیلات کے مطابق نجی ٹی وی  چینل کے ایک پروگرام میں گفتگو کرتے ہوئےعبدالرزاق  نے کرکٹر ندا ڈار سے متعلق میزبان کو کہا کہ آپ ندا سے ہاتھ ملا کر دیکھ لیں یہ اب لڑکی تو نہیں لگتیں، جس پر کافی تنقید کی گئی ہے ۔

عبدالرزاق نے اپنے وضاحتی بیان میں کہا ہے کہ ندا ڈار سے متعلق کیے جانے والا تبصرہ ہلکے پھلکے انداز میں پیش کیا تھا، اس کا مقصد کسی کو ناراض کرنا نہیں تھا، الفاظ کا چناؤ اور انہیں پیش کرنے کا انداز غلط تھا۔

سابق کرکٹر نے مزید کہا کہ میں نے ندا ڈار کو فون کرکے اپنا مؤقف واضح کردیا تھا، میرے دِل میں تمام خواتین کیلئے بے حد عزت ہے، خاص طور پر خواتین کرکٹرز کیلئے جنہوں نے کھیل کے شعبے میں زبردست کامیابی حاصل کی ہے۔