سری لنکا:سیاحوں کی بس گہری کھائی میں جاگری، 15 افرادجاں بحق ،متعدد زخمی

کولمبو:سری لنکا میں سیاحوں کی بس خوفناک حادثے کا شکار ہو کر گہری کھائی میںجا گری جس کے نتیجے میں 15 افراد جاں بحق جبکہ متعدد زخمی  ہوگئے۔ 

غیر ملکی میڈیا رپورٹس کے مطابق سیاحوں کی بس کا یہ خوفناک حادثہ سری لنکن صوبے اوا (UVA) کے ایلا ٹاؤں میں پیش آیا جہاںپہاڑی علاقے سے گزرنے والی بس ایک ہزار فٹ گہری کھائی میں جا گری۔

ریسکیو حکام کے مطابق حادثے کے نتیجے میں 15 افراد جاں بحق اور 18 افراد زخمی بھی ہوئے جنہیں طبی امداد کے لیے اسپتال منتقل کر دیا گیا ہے جہاں ان کو بہتر طبی امداد دی جا رہی ہے۔ 

اس حوالے سے مقامی پولیس کا کہنا ہے کہ گزشتہ رات بس ایک گاڑی سے ٹکرانے کے بعد تقریباً ایک ہزار فٹ گہری کھائی میں گرگئی تھی۔