یو ٹیوبر ڈکی بھائی مزید تین روزہ جسمانی ریمانڈ پر پولیس کے حوالے

لاہور: مشہور یوٹیوبرسعد الرحمان المعروف ڈکی بھائی کے جسمانی ریمانڈ میں تین روز کی توسیع کر دی گئی ہے۔ 

جوڈیشنل مجسٹریٹ کی عدالت میںوفاقی تحقیقاتی ادارہ( ایف آئی اے) کے سائبر کرائم ونگ نے ڈکی بھائی کو دو روزہ ریمانڈ ختم ہونے پر پیش کیا۔

دوران سماعت ایف آئی اے کے تفتیشی افسر نے مؤقف اختیار کیا کہ تحقیقات ابھی مکمل نہیں ہوئیں ،اس لیے عدالت سے مزید جسمانی ریمانڈ کی استدعا کی جاتی ہے۔

بعد ازاں عدالت نے ڈکی بھائی کا تین روزہ جسمانی ریمانڈ منظور کرتے ہوئے پولیس کی تحویل میں دے دیا۔

یاد رہے کہ سعد الرحمان کو چند روز قبل آن لائن جوا ایپس کے فروغ کے الزام میں گرفتار کیا گیا تھا۔