وزیر اعظم سےافغان امن کیلئےامریکی نمائندہ خصوصی زلمےخلیل زاد کی ملاقات

تفصیلات کے مطابق وزیر اعظم عمران خان سےافغان امن کیلئےامریکی نمائندہ خصوصی زلمےخلیل زاد کی ملاقات ہوئی ہے،اس ملاقات میں  افغانستان کی موجودہ صورتحال اور افغان امن ‏عمل کو تیز کرنے کی ضرورت پرزور دیا گیا ہے۔وزیراعظم نے افغانستان میں قیام امن کیلئےپاکستانی کی تعمیری کاوشوں پرروشنی ڈالی۔

وزیر اعظم عمران خان نے کہا کہ افغانستان میں عدم استحکام پاکستان کےمفادمیں نہیں ہے، افغان تنازع سےپاکستان میں مہاجرین کی آمدکاخدشہ ہے،  افغان تنازع میں شدت سےپاکستان کیلئےمشکلات پیداہوں گی۔

وزیر اعظم کا کہنا ہے کہ افغانستان میں پائیدارامن سےخطےمیں معاشی رابطوں کوفروغ ملےگا، طاقت کےذریعےحکومت کےنفاذسےتنازع حل نہیں ہوگا، افغانستان کے مسئلےکاکوئی عسکری حل نہیں ہے۔