کم آمدنی والےشادی کے خواہش مند جوڑوں کیلئے سعودی ولی عہد کا بڑا اعلان

غیر ملکی خبر رساں ادارے کے مطابق  سعودی ولی عہد کیجانب سے   ملک بھر میں کم آمدنی والے طبقے  کیلئے سماجی، تعلیمی اور معاشی پروگرام ’’سند محمد بن سلمان‘‘ کے تحت مالی امداد  کا سلسلہ جاری ہے۔ سعودی ولی عہد محمد بن سلمان نے "سند محمد بن سلمان " پروگرام کے تحت شادی کے خواہش مند جوڑوں کے لیے37 لاکھ 40 ہزار ریال بطور ’’شادی گرانٹ‘‘ مختص کرنے کا حکم دیا ہے۔

"سند محمد بن سلمان "  پروگرام کے تحت  200 جوڑوں کیلئے 37 لاکھ 40 ہزار ریال کی رقم مختص  کیے ہیں  جس سے جوڑوں کی شادی کے اخراجات پورے کیے جائیں گے۔

رواں برس  ہی سعودی ولی عہد کی خصوصی ہدایت پر اپنا گھر بسانے کے خواہش مند افراد کیلئے خطیر رقم مختص کی گئی ہے جو کورونا وبا کے باعث مالی مشکلات کا شکار ہیں یا   اخراجات برداشت نہیں کرسکتے  ہیں۔

خیال رہے کہ ’’سند محمد بن سلمان‘‘ پروگرام  کا آغاز سعودی فرمانروا شاہ سلمان بن عبدالعزیز کے حکم پر 2018 میں کیا گیا تھا جس کا مقصد کم آمدنی والے طبقے کے تعلیمی اور شادی کے اخراجات میں مدد دینا تھی۔