انقرہ :ترکیہ ہر مشکل گھڑی میں پاکستان کے ساتھ شانہ بشانہ کھڑا رہے گا،ترک وزیر دفاع

انقرہ: ترکیہ  کے وزیر دفاع یاشار گیولر نے انقرہ میں یوم پاکستان کی تقریب سے خطاب میں کہا ہے کہ  ترکیہ ہر مشکل گھڑی میں پاکستان کے ساتھ شانہ بشانہ کھڑا رہے گا۔

تفصیلات کے مطابق ترکی کے دارالحکومت انقرہ میں پاکستانی سفارت خانہ میں یومِ دفاع کی تقریب ہوئی جس میں ترک وزیرِ  دفاع یاشار گیولر نے خصوصی شرکت کی۔ 

خصوصی تقریب سے خطاب میں ترکیے کے وزیرِ قومی دفاع نے کہا کہ ترکیے ہر مشکل گھڑی میں پاکستان کے ساتھ شانہ بشانہ کھڑا رہے گا۔ 

تقریب سے خطاب میں ترک وزیر دفاع  کا کہنا تھاکہ پاکستان کے ساتھ مشترکہ دفاعی منصوبوں، تربیتی تعاون اور انسدادِ دہشت گردی کے اقدامات کو مزید آگے بڑھائیں گے۔

تقریب میں پاکستان کے ترکیے میں سفیر ڈاکٹر یوسف جُنید نے 1965 کی جنگ کو تاریخی قرار دیا اور کہا یہ دن ہماری جرأت، اتحاد اور قربانی کی لازوال نشانی ہے۔