صدر ن لیگ نواز شریف کی جنرل ہسپتال آمد، طبی معائنہ کرایا

لاہور:سابق وزیراعظم اورپاکستان مسلم لیگ ن کے صدر میاں نواز شریف کی جنرل ہسپتال آمد ہوئی ہے،نواز شریف نے جنرل ہسپتال سے طبی معائنہ کرایا۔

 ذرائع کے مطابق نواز شریف کا طبی معائنہ نیورو وارڈ میں کیاگیا،پروفیسر ڈاکٹر آصف بشیر نے نواز شریف کا طبی معائنہ کیا،صدر ن لیگ  نے جنرل ہسپتال سے ایم آر آئی کرائی۔  

اس دوران پروفیسر ڈاکٹر آصف بشیر کی نگرانی میں ہی نواز شریف کی ایم آر آئی کرائی گئی،صدر ن لیگ  نے سروائیکل اور برین کی ایم آرائی کرائی۔  

ذرائع کاکہنا ہے کہ نواز شریف کو پٹھوں میں درد کا سامنا ہے،نواز شریف کو اینجیو ڈیپارٹمنٹ میں ڈی سی آر کیلئے بھی لیجایاگیا۔