محمد نواز کی شاندار ہیٹرک: پاکستان نے افغانستا ن کو 75 رنز سے شکست دے کر ٹرائی سیریز کا ٹائٹل جیت لیا

شارجہ:سہ ملکی سیریز کے فائنل میںپاکستان نے محمد نواز کی شاندار بولنگ کی بدولت افغانستان کو 75 رنز سے شکست دیدی۔

شارجہ میں کھیلے جانے والے فائنل میچ میں پاکستان نے ٹاس جیت کر پہلے بلے بازی کرنے کا فیصلہ کیا تھا جو کہ زیادہ بہتر ثابت نہ ہو سکا اور پوری ٹیم مقررہ 20 اوورز میں8 وکٹوں کے نقصان پر 141 رنز تک ہی محدود رہی۔

پاکستان کی جانب سے وفقے وقفے سے وکٹس گرنے کا سلسلہ جاری رہا اور کوئی بھی بلے باز خاطرخواہ کارگردگی کا مظاہرہ نہ کر سکا۔

پہلے بلے بازی کرتے ہوئے پاکستان کی جانب سے صائم ایوب 17،فخر زمان 27 اور کپتان سلمان علی آغا 24 رنز بنا کر نمایاں رہے۔
جبکہ حسن نواز 15 ،فہیم اشرف اور محمد نواز 25 رنز ہی بنا سکے۔

افغانستان کی جانب سے راشد خان نے 3 نور احمد اورفضل حق فاروقی نے 2،2 وکٹیں حاصل کیں۔

142 رنز کے ہدف کے جواب میں افغان ٹیم محمد نواز کی تباہ کن بولنگ کی بدولت  15 اعشاریہ 5 اوور میں 66 رنز پر ڈھیر ہوگئی۔

افغانستان کا کوئی کھلاڑی جم کر نہ کھیل سکا۔ افغانستان کی طرف سے راشد خان 17 رنز بنا کر نمایاں رہے۔

محمد نواز نے فائنل  میچ میں افغانستان کے خلاف نہ صرف ہیٹ ٹرک مکمل کی بلکہ شاندار بولنگ کا مظاہرہ کرتے ہوئے  4 اوور میں 19 رنز دے کر 5 کھلاڑیوں کو آؤٹ کیا، اس کے علاوہ انہوں نے 25 قیمتی رنز بھی بنائے۔