بلوچستان: پشین میں سکیورٹی فورسز کی کارروائی میں 4 دہشت گرد ہلاک

بلوچستان کے ضلع پشین میں کاؤنٹر ٹیررازم ڈیپارٹمنٹ (سی ٹی ڈی) اور دیگر حساس اداروں نے خفیہ اطلاع پر مشترکہ کارروائی کرتے ہوئے فتنۃ الہندوستان سے تعلق رکھنے والے 4 اہم دہشت گردوں کو ہلاک کر دیا ہے۔

ترجمان سی ٹی ڈی کے مطابق ہلاک دہشت گرد فتنۃ الخوارج سے تعلق رکھتے تھے۔ ان کے قبضے سے 2 نائن ایم ایم پستول، 2 کلاشنکوف، ڈیٹونیٹرز، 2 دستی بم، پریما کارڈز اور دیگر بارودی مواد برآمد ہوا ہے۔

ہلاک دہشت گرد پشین میں لیویز افسر کے قتل، چمن روڈ پر ایف سی ٹرک پر حملے، اور پولیس اہلکاروں پر مختلف حملوں میں ملوث تھے۔

ترجمان نے بتایا کہ یہ کارروائی بلوچستان میں امن و امان کی بحالی کے لیے جاری آپریشنز کا حصہ ہے۔ ہلاک دہشت گردوں کی شناخت کا عمل جاری ہے اور لاشوں کو پوسٹ مارٹم کے لیے ہسپتال منتقل کر دیا گیا ہے۔

قانون نافذ کرنے والے اداروں نے علاقے میں سرچ آپریشن بھی شروع کر دیا ہے تاکہ ممکنہ شریک دہشت گردوں کو گرفتار کیا جا سکے۔