ایشیا کپ: بنگلادیش کا ہانگ کانگ کے خلاف ٹاس جیت کر بولنگ کا فیصلہ

ایشیا کپ ٹی ٹوئنٹی ٹورنامنٹ کے تیسرے میچ میں بنگلادیش نے ہانگ کانگ کے خلاف ٹاس جیت کر پہلے بولنگ کرنے کا فیصلہ کیا ہے۔

گروپ بی کے اس مقابلے میں بنگلادیشی کپتان لٹن داس نے ٹاس جیت کر ہانگ کانگ کو بیٹنگ کی دعوت دی۔

بنگلادیش اس ایونٹ میں اپنا پہلا میچ کھیل رہا ہے، جبکہ ہانگ کانگ اس سے قبل افغانستان کے خلاف شکست کا سامنا کر چکا ہے۔

یاد رہے کہ گزشتہ روز بھارت نے یو اے ای کو یکطرفہ مقابلے کے بعد 9 وکٹوں سے شکست دی تھی۔