پاکستان میں کورونا وائرس مزید58 زندگیاں لےگیا ،مجموعی اموات 12 ہزار 276ہوگئیں

تفصیلات کے مطابق ملک بھرمیں کورونا کی دوسری  لہر جاری ہے ،   نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید58افراد چل بسے جس کے بعد اموات کی مجموعی تعداد12 ہزار276ہوگئی ہے ۔گزشتہ24گھنٹوں میں کوروناکے 1262نئےکیسزسامنےآگئے، ملک میں‌ اب تک کورونا کے5 لاکھ 61 ہزار 625کیسزرپورٹ ہوچکے ہیں ۔

 

 پنجاب

 پنجاب میں کورونا مریضوں کی تعداد ایک لاکھ 63 ہزار 367 ہوگئی ۔ جبکہ صوبے میں اب تک 4 ہزار982 افراد جان سے ہاتھ دھو بیٹھے ہیں ۔

 

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 53 ہزار 90ہو گئی جبکہ صوبے میں اب تک 4 ہزار171 افراد جان کی بازی ہار گئے ۔

 

خیبرپختون خوا

خیبرپختون خوا میں کورونا وائرس سے متاثرہ مریضوں کی تعداد 69 ہزار 386ہوچکی ہے ۔ صوبے میں 1976افراد چل بسے۔

 

بلوچستان

بلوچستان میں کورونا وائرس کے اب تک  18 ہزار 924 کیسز رپورٹ ہوئے ہیں جبکہ صوبے میں 197 مریض چل بسے ۔

 

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد 42 ہزار 513،جبکہ اموات کی تعداد 481تک جاپہنچی ۔

 

گلگت بلتستان

گلگت بلتستان میں اب تک 4 ہزار937افراد کورونا کا شکار ہوئے ہیں جبکہ 102افراد جان سے ہاتھ دھو بیٹھے ۔

 

آزاد کشمیر

آزاد جموں کشمیرمیں کورونا سےمتاثرہ افراد کی تعداد 9 ہزار 408ہو چکی ہے جبکہ276 افراد جان کی بازی ہار گئے ۔

 ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق  ملک بھر میں   5 لاکھ 23 ہزار 700مریض کوروناکوشکست دےچکے ہیں ۔گزشتہ  24 گھنٹوں میں کورونا وائرس کے مزید 37 ہزار 115 ٹیسٹ کیئے گئے، جبکہ اب تک کُل 83 لاکھ 25 ہزار 543ٹیسٹ کیے جا چکے ہیں۔