افغانستان کو بڑا دھچکا،اہم فاسٹ باؤلر ایشیا کپ کے باقی میچوں سے باہر

افغانستان کرکٹ ٹیم کو بڑا دھچکا، فاسٹ بائولر نوین الحق  ایشیا کپ کلے باقی میچوں سے باہر ہو گئے۔

افغانستان کرکٹ بورڈ(اے سی بی) کے مطابق نوین الحق ابھی کندھے کی انجری سے مکمل صحتیاب نہیں ہو سکے، میڈیکل ٹیم نے انہیں ایشیا کپ کے بقیہ میچز کے لیے مکمل فٹ قرار نہیں دیا۔

افغان کرکٹ بورڈ کا کہنا ہے  کہ مکمل فٹنس اور ری ہیب کے لیے نوین الحق انگلینڈ جائیں گے، جس کی وجہ سے وہ ایشیا کپ سے باہر ہو گئے ہیں۔ 

افغان کرکٹ بورڈ کے مطابق نوین الحق کی جگہ فاسٹ بولر عبداللہ احمد زئی کو اسکواڈ میں شامل کرلیا گیا ہے۔

واضح رہے کہ افغانستان کرکٹ ٹیم ایشیا کپ کے گروپ بی میں موجود ہے جہاں وہ ایونٹ میں اپنا دوسرا میچ کل بنگلادیش کے خلاف کھیلے گی۔

جبکہ ایشیا کپ کے پہلے میچ میں افغانستان نے ہانگ کانگ کو شکست دی تھی۔