بھارت جنگی شکست کی خفت مٹانے کیلئے کرکٹ میں اوچھے ہتھکنڈے اپنا رہا ہے ، عطا تارڑ 

اسلام آباد: وفاقی وزیر اطلاعات عطا تارڑ نے کہا کہ کرکٹ کے میدان میں ہاتھ نہ ملانے کا مقصد بھارت کی جنگی شکست کی خفت مٹانا ہے۔

 
انسٹی ٹیوٹ آف ریجنل اسٹدیز کے زیر اہتمام تقریب سے خطاب کرتے ہوئے عطا تارڑ نے کہا کہ بھارت جنگ ہار چکا ہے اور اس کے 6 جہاز مار گرائے تھے۔ اب بھارتی ٹیم کرکٹ کے میدان میں ہاتھ نہ ملا کر اپنی عسکری ناکامی کو چھپانے کی کوشش کر رہی ہے۔ 

وفاقی وزیر اطلاعات نے کہا کہ عسکری میدان میں شکست کے بعد بھارت کھیلوں میں بھی اوچھے ہتھکنڈے استعمال کر رہا ہے ، ان کے بقول اخلاقی دیوالیہ پن کا شکار قومیں ہی اسپورٹس کو سیاست کی نذر کرتی ہیں۔ 

انہوں نے کہا کہ میچ ریفری کو صرف ایک ریفری کے طور پر ہی کردار ادا کرنا چاہیے تھا، حالات جیسے بھی ہوں اسپورٹس مین اسپرٹ زندہ رہنی چاہیے۔