یمن سے اسرائیلی شہر ایلات پر ڈرون حملہ

یروشلم: اسرائیلی میڈیا کے مطابق یمن سے داغا گیا ایک ڈرون اسرائیل کے ساحلی شہر ایلات میں ایک ہوٹل کے قریب آ کر گرا، تاہم حملے میں کسی قسم کے جانی نقصان کی اطلاع نہیں ملی۔

واقعے کی سی سی ٹی وی فوٹیج بھی سامنے آ گئی ہے، جس میں ڈرون کو ایک عمارت کے قریب زمین سے ٹکراتے ہوئے دیکھا جا سکتا ہے۔ ویڈیو میں دھماکے کی آواز اور ملبے کے بکھرنے کے مناظر بھی نمایاں ہیں۔

اسرائیلی حکام کی جانب سے حملے کی نوعیت اور ذمہ دار فریق کے حوالے سے تاحال کوئی باضابطہ بیان جاری نہیں کیا گیا، تاہم حملے کو یمن کی جانب سے ممکنہ کارروائی قرار دیا جا رہا ہے۔