سوات اور گردونواح میں زلزلے کے جھٹکے، شدت 4.2، شہری خوفزدہ

سوات: خیبرپختونخوا کے ضلع سوات کے مرکزی شہر مینگورہ اور اس کے گردونواح میں زلزلے کے جھٹکے محسوس کیے گئے، جس کے باعث شہری خوف و ہراس کا شکار ہو گئے۔

زلزلہ پیما مرکز کے مطابق، ریکٹر اسکیل پر زلزلے کی شدت 4.2 ریکارڈ کی گئی، جبکہ اس کا مرکز تاجکستان اور افغانستان کی سرحدی پٹی میں واقع تھا۔ زلزلے کی زیرِ زمین گہرائی 185 کلومیٹر بتائی گئی ہے۔

زلزلے کے بعد شہری کلمہ طیبہ کا ورد کرتے ہوئے گھروں سے باہر نکل آئے، تاہم فوری طور پر کسی جانی یا مالی نقصان کی اطلاع موصول نہیں ہوئی۔