پاکستان میں ووٹرز کی تعداد 13 کروڑ 49 لاکھ سے تجاوز کر گئی

الیکشن کمیشن آف پاکستان نے ملک بھر میں ووٹرز سے متعلق تازہ ترین اعداد و شمار جاری کر دیے ہیں، جن کے مطابق ووٹروں کی مجموعی تعداد 13 کروڑ 49 لاکھ 49 ہزار 984 ہو چکی ہے۔ اس میں مرد ووٹرز کی تعداد 7 کروڑ 23 لاکھ 54 ہزار 182 ہے، جو کُل ووٹروں کا 53.62 فیصد بنتی ہے، جبکہ خواتین ووٹرز کی تعداد 6 کروڑ 25 لاکھ 95 ہزار 802 ہے، جو 46.38 فیصد کے برابر ہے۔

صوبوں کے لحاظ سے پنجاب سرفہرست ہے جہاں ووٹروں کی تعداد 7 کروڑ 68 لاکھ 12 ہزار 589 ہے، جن میں مرد 4 کروڑ 8 لاکھ 635 اور خواتین 3 کروڑ 60 لاکھ 11 ہزار 954 ہیں۔ سندھ میں ووٹرز کی مجموعی تعداد 2 کروڑ 82 لاکھ 87 ہزار 201 ہے جن میں مرد ووٹرز 1 کروڑ 52 لاکھ 68 ہزار 278 اور خواتین ووٹرز 1 کروڑ 30 لاکھ 18 ہزار 923 ہیں۔

خیبرپختونخوا میں ووٹرز کی تعداد 2 کروڑ 30 ہزار 231 ہے، جن میں مرد 1 کروڑ 24 لاکھ 95 ہزار 793 اور خواتین 1 کروڑ 5 لاکھ 4 ہزار 438 شامل ہیں۔ بلوچستان میں یہ تعداد 56 لاکھ 38 ہزار 84 ہے، جہاں مرد ووٹرز 31 لاکھ 56 ہزار 26 اور خواتین 24 لاکھ 82 ہزار 58 ہیں۔

وفاقی دارالحکومت اسلام آباد میں ووٹرز کی تعداد 12 لاکھ 11 ہزار 879 ہے، جن میں مرد 6 لاکھ 33 ہزار 405 اور خواتین 5 لاکھ 78 ہزار 429 شامل ہیں۔ شرح کے اعتبار سے بلوچستان میں مرد ووٹرز کی سب سے زیادہ شرح 55.98 فیصد اور خواتین کی 44.02 فیصد ہے، جبکہ سب سے متوازن تناسب اسلام آباد میں دیکھا گیا جہاں مرد ووٹرز کی شرح 52.27 فیصد اور خواتین کی 47.73 فیصد ہے۔