صدر مملکت چین کا دورہ مکمل کرنے کے بعد وطن واپس پہنچ گئے

اسلام آباد: صدر آصف علی زرداری چین کا دس روزہ دورہ مکمل کرنے کے بعد وطن واپس پہنچ گئے۔

صدر مملکت نے چین میں چنگدو، شنگھائی، اُرومچی اور کاشغر کے دورے کیے،دورے کے دوران صدر نے صوبائی قیادت سے ملاقاتیں کیں۔

ملاقاتوں کے دوران پاک۔چین تعلقات، سی پیک اور مستقبل کی راہداریوں پر تبادلہ خیال ہوا، ملاقاتوں میں علاقائی امن، ترقی اور تعاون پر بھی بات چیت ہوئی۔

صدر آصف علی زرداری نے چینی قیادت کی میزبانی پر شکریہ ادا کیا۔ انہوں نے کہا کہ صدر شی جن پنگ کے وژن کے تحت چین، خصوصاً سنکیانگ میں ہونے والی ترقی متاثر کن ہے۔

دوسری جانب صدر کے دورے میں کئی ایم او یوز پر بھی دستخط کیے، صدر زرداری کا دورہ پاک۔چین اسٹریٹجک شراکت داری کے عزم کی تجدید ہے۔