پی ٹی آئی کا برطانیہ،آسٹریلیا، کینیڈا اور دیگر ممالک کی جانب سے فلسطین کو ریاست تسلیم کرنے کا خیر مقدم

اسلام آباد: پاکستان تحریک انصاف (پی ٹی آئی) نے برطانیہ، کینیڈا اور آسٹریلیا کی جانب سے فلسطین کو بطور خودمختار ریاست تسلیم کرنے کے فیصلے کا خیرمقدم کیا ہے۔

تفصیلات کے مطابق پی ٹی آئی کی جانب سے جاری بیان میں کہا گیا ہے کہ فلسطین کی تسلیم شدہ حیثیت انصاف اور امن کی جیت ہے۔

بیان میں تحریک انصاف نے عالمی برادری سے بھی مطالبہ کیا ہے کہ وہ فلسطین کو تسلیم کرے اور مظلوم فلسطینی عوام کے حق خودارادیت کی حمایت کرے۔

پی ٹی آئی کی جانب سے جاری بیان میں مزید کہا گیا ہے کہ اسرائیل کی جانب سے جاری بمباری اور قتل عام ایک کھلی نسل کشی ہے، جس پر عالمی طاقتوں کو فوری اور مؤثر اقدامات کرنے چاہئیں۔

پی ٹی آئی نے فلسطینی عوام سے غیر متزلزل یکجہتی کا اظہار کرتے ہوئے کہا کہ پارٹی فلسطین کی آزادی اور حقوق کی بحالی تک ان کے ساتھ کھڑی رہے گی۔