دنیائے کرکٹ کے لیجنڈری امپائر ڈکی برڈ 92 سال کی عمر میں انتقال کرگئے

ویب ڈیسک:انگلینڈ سے تعلق رکھنے والے دنیائے کرکٹ کے مشہور و معروف امپائر ڈکی برڈ  92 برس کی عمر میں انتقال کرگئے۔

یارک شائر کاؤنٹی کرکٹ کلب نے ان کے انتقال کی تصدیق کرتے ہوئے افسوس کا اظہار کیا، امپائر ڈکی برڈ نے اپنے گھر پر سکونت کے ساتھ آخری سانس لیے۔

کلب کی جانب سے جاری بیان میں کہا گیا کہ نہایت افسوس کے ساتھ اعلان کررہے ہیں ڈکی برڈ جو کرکٹ کی سب سے پسندیدہ شخصیات میں سے ایک تھے 92 سال کی عمر میں اپنے گھر پر وفات پا گئے۔

ڈکی برڈ نے 66 ٹیسٹ ، 69 ون ڈے انٹرنیشنل اور 7 ویمنز ون ڈے انٹرنیشنل میں امپائرنگ کی ذمہ داریاں نبھائیں۔انہوں نے 3 ورلڈکپ فائنل میں بھی امپائرنگ کی جبکہ انہوں نے 93فرسٹ کلاس میچز بھی کھیلے، وہ کیریئر کے دوران کھلاڑیوں اور عوام میں کافی مقبول تھے۔

امپائرنگ سے قبل ڈکی برڈ نے بطور اوپننگ بیٹر یارک شائر کے لیے کرکٹ کی شروعات کی، بعد ازاں وہ اسی کلب کے صدر بھی بنے اور اپنی زندگی کے بڑے حصے کو یارک شائر اور کھیل کی خدمت کے لیے وقف کیا۔

ان کی خدمات کے اعتراف میں برطانوی حکومت نے 1986 میں انہیں ایم بی ای (Member of the Order of the British Empire) اور 2012 میں او بی ای (Officer of the Order of the British Empire) کے اعزازات سے نوازا۔