ایشیا کپ: بنگلادیش کا بھارت کے خلاف ٹاس جیت کر فیلڈنگ کا فیصلہ

ایشیا کپ ٹی ٹوئنٹی ٹورنامنٹ کے سپر 4 مرحلے میں بنگلادیش نے بھارت کے خلاف ٹاس جیت کر فیلڈنگ کا فیصلہ کیا۔

بھارت اور بنگلادیش کی ٹیمیں سپر 4 مرحلے کے اہم میچ میں دبئی میں مدمقابل ہیں، جہاں بنگلادیش نے ٹاس جیت کر بھارت کو بیٹنگ کی دعوت دے دی۔

بنگلادیش کی ٹیم میں آج 4 تبدیلیاں کی گئیں۔ بنگلادیشی کپتان لٹن داس انجری کے باعث پلیئنگ الیون میں شامل نہیں ہیں، اور ان کی جگہ جاکر علی کپتانی کی ذمہ داری نبھائیں گے۔

واضح رہے کہ سپر 4 میں بھارت ایک میچ کھیل کر 2 پوائنٹس حاصل کر کے پہلے نمبر پر ہے، جبکہ بنگلادیش بھی 2 پوائنٹس کے ساتھ تیسرے نمبر پر ہے۔

اگر بھارت آج بنگلا دیش کو شکست دیتا ہے، تو وہ براہِ راست ایشیا کپ کے فائنل کے لیے کوالیفائی کر جائے گا۔