امریکی بحری جہاز ’’یو ایس ایس وین ای میئر ‘‘ 2 روزہ دورے پر کراچی بندرگاہ پہنچ گیا

کراچی : امریکی بحری جہاز ’’یو ایس ایس وین ای میئر ‘‘دو روزہ دورے پر کراچی بندرگاہ پہنچ گیا۔

پاک فوج کے شعبہ تعلقات عامہ( آئی ایس پی آر) کے مطابق بندرگاہ آمد پر پاک بحریہ کے اعلیٰ حکام اور امریکی ناظم الامور سمیت سفارتی عملےنے جہاز کا استقبال کیا۔

ترجمان پاک فوج کے مطابق اس دورے کا مقصد دونوں بحری افواج کے مابین پیشہ ورانہ تعلقات کا فروغ ہے،جبکہ اس دوران امریکی بحریہ اور پاک بحریہ کے مابین مشترکہ مشق کا انعقاد بھی کیا جائے گا۔

ترجمان آئی ایس پی آر نے مزید کہا کہ امریکی بحری جہاز کے دورے سے خطے میں قیام امن کی مشترکہ کاوشوں کو مزید فروغ حاصل ہو گا۔