وزیر خارجہ جے شنکرکے خطاب کے دوران یو این جنرل اسمبلی کے باہرکشمیریوں کا احتجاج، بھارت مخالف نعرے

نیو یارک: اقوام متحدہ کی جنرل اسمبلی میں بھارتی وزیر خارجہ ایس جے شنکر کےخطاب کے دوران کشمیری عوام نے اقوام متحدہ کے دفتر کے باہر شدید احتجاج کیا،جس میں سکھوں کی بڑی تعداد بھی شریک ہوئی۔

تفصیلات کے مطابق اقوام متحدہ کی جنرل اسمبلی کے دفتر کے باہر بھارت کے خلاف مظاہرے کا انعقاد فرینڈز آف کشمیر کے تحت کیا گیا جس دوران  مختلف کشمیری رہنماؤں اور عوام سمیت سکھوں کی بڑی تعداد نے بھی شرکت کی۔

حتجاج کے دوران مظاہرے کے شرکا نے عالمی برادری سے مقبوضہ کشمیر میں بھارتی مظالم کا خلاف نوٹس لینے کا مطالبہ کیا۔ 

علاوہ ازاں احتجاجی مظاہرے میں سکھوں کی بڑی تعداد بھی شریک ہوئی جنہوں نے بھارت مخالف نعرے لگائے اور خالصتان کے حوالے سے ریفرنڈم کا مطالبہ کیا۔

دوسری جانب جنرل اسمبلی کے اجلاس میں بھارت کے وزیر خارجہ کے الزامات کے جواب میں سیکنڈ سیکرٹری محمد راشد نے منہ توڑ جواب دیا۔

 پاکستان کے مدلل بیان پر بھارت بوکھلا گیا اور بھارتی مندوب کو پریشانی کی حالت میں فون سنتے دیکھا گیا جس کے بعد وہ  بوکھلاہٹ کے عالم میں وہ ہال چھوڑنے پر مجبور ہوگئے۔